کمیونسٹ پارٹی آف چائنا کی بیسویں مرکزی کمیٹی کے پانچویں کل رکنی اجلاس پر عالمی شخصیات کی گہری نظر

بیجنگ :کمیونسٹ پارٹی آف چائنا کی بیسویں مرکزی کمیٹی کے پانچویں کل رکنی اجلاس پر عالمی شخصیات کی گہری نظر ہے ۔ ان کا کہنا ہے کہ چین میں جامع اور سخت پارٹی نظم و نسق کو مسلسل فروغ دینے اور حکمرانی کی صلاحیت بہتر بنانے سے چینی معیشت کی اعلیٰ معیار کی ترقی کو تقویت ملے گی۔ عالمی شخصیات چین کی مستقبل کی ترقی کے بارے میں پُراعتماد ہیں اور ان کا خیال ہے کہ چین کا مستحکم سفر ،غیر یقینی صورتِ حال اور مسلسل تبدیلیوں سے دوچار دنیا میں مزید استحکام اور یقین پیدا کرے گا۔پاکستان کی نیشنل یوتھ پارلیمنٹ کے چیئرمین حنان علی عباسی نے کہا کہ چین اب پندرہویں پانچ سالہ منصوبے کے آغاز کے سال میں داخل ہو چکا ہے۔ ان کے خیال میں کمیونسٹ پارٹی آف چائنا کی قیادت میں پالیسیوں پر عمل درآمد میں تسلسل اور منظم طریقۂ کار چین کی کامیابی کے اہم عوامل ہیں، جن سے تمام ابھرتے ہوئے ممالک کو سیکھنا اور استفادہ کرنا چاہیے۔ انہوں نے کہا کہ دنیا میں گہری تبدیلیاں رونما ہو رہی ہیں، تاہم چین اپنے مضبوط تنظیمی نظام کی بدولت ترقی کے سفر میں ثابت قدم ہے۔ انہیں چین کی مستقبل کی ترقی کے امکانات سے بہت توقعات وابستہ ہیں۔