ابوظہبی: متحدہ عرب امارات اور چین کے درمیان سفارتی تعلقات کے 40 سال مکمل ہو گئے ہیں ۔ متحدہ عرب امارات کی نیوز ایجنسی وام کے مطابق متحدہ عرب امارات اور چین کے درمیان سفارتی تعلقات کے 40 سال مکمل ہو گئے ہیں جو پائیدار ترقی کے لیے تعاون اور مشترکہ عزائم کو ظاہر کرتا ہے، یو اے ای نے چین کے بیلٹ اینڈ روڈ انیشی ایٹو (بی آر آئی) میں اہم کردار ادا کیا ہے اور مشرقی افریقہ میں بی آر آئی منصوبوں کے لیے مشترکہ چین۔
یو اے ای فنڈ میں 10 بلین ڈالر کی سرمایہ کاری کی ہے۔
وام کے مطابق متحدہ عرب امارات نے یو اے ای میں مختلف شعبوں میں سرمایہ کاری کے لیے چین کے ساتھ 13 مفاہمتی یادداشتوں پر بھی دستخط کئے ہیں۔دونوں ممالک کے درمیان اقتصادی شراکت داری میں مسلسل اضافہ ہو رہا ہے، متحدہ عرب امارات میں 14,500 سے زائد چینی کاروباری لائسنس جاری کئے گئے ہیں اور چین متحدہ عرب امارات کا براہ راست غیر ملکی سرمایہ کاری کا تیسرا سب سے بڑا ذریعہ ہے۔دونوں ممالک کے درمیان غیر تیل کی تجارت 2024 کی پہلی ششماہی میں 50 بلین ڈالر سے تجاوز کر گئی۔ 2023 میں متحدہ عرب امارات نے کثیرالجہتی تعاون اور عالمی اقتصادی ترقی کے لیے اپنے عزم کو اجاگر کرتے ہوئے برکس گروپ میں شمولیت اختیار کی۔