بیجنگ :چینی وزارت خارجہ کی ترجمان ماؤ نینگ نے معمول کی نیوز کانفرنس میں چینی بحریہ کی جانب سے آبدوز سے داغے جانے والے اسٹریٹجک میزائل کے کامیاب تجربے کے حوالے سے سوال کے جواب میں کہا کہ یہ تجربہ چینی فوج کی معمول کی تربیتی سرگرمی ہے، جو کسی خاص ملک یا ہدف کے خلاف نہیں ہے۔انہوں نے کہا کہ چین نے اس تجربے سے قبل سولومن جزائر سمیت جنوبی بحرالکاہل کے خطے اور متعلقہ ممالک کو پیشگی اطلاع دے دی تھی۔ یہ تجربہ بین الاقوامی قانون اور بین الاقوامی روایات کے مطابق ہے۔ترجمان نے اس بات پر زور دیا کہ چین پرامن ترقی کے راستے پر گامزن ہے، اپنی دفاعی نوعیت کی جوہری حکمتِ عملی پر قائم ہے اور ہمیشہ اپنی جوہری صلاحیت کو قومی سلامتی کی ضروریات کے لیے درکار کم ترین سطح پر برقرار رکھتا ہے۔ متعلقہ ممالک کو اس معاملے کی ضرورت سے زیادہ تشریح کرنے کی ضرورت نہیں ہے۔
