چین اور پاکستان کے تعلقات ہمیشہ وقت کے تقاضوں پر پورا اترتے آئے ہیں، چینی وزیر خارجہ

بشکیک:چینی وزیرِ خارجہ وانگ ای نے کرغزستان میں شنگھائی تعاون تنظیم کے وزرائے خارجہ اجلاس کے موقع پر پاکستان کے نائب وزیراعظم اور وزیرِ خارجہ اسحاق ڈار سے ملاقات کی۔اتوار کے روز چینی میڈ یا کے مطا بق وانگ ای نے کہا کہ چین اور پاکستان کے تعلقات ہمیشہ وقت کے تقاضوں پر پورا اترتے آئے ہیں۔ فریقین کو چاہیے کہ دونوں ملکوں کے رہنماؤں کے درمیان طے پانے والے اہم اتفاقِ رائے پر مؤثر عمل درآمد کریں، مختلف سطحوں پر روابط اور تمام شعبوں میں تعاون کو مزید فروغ دیں اور چین۔پاکستان ہم نصیب سماج کی تعمیر کو مزید تیز کریں۔وانگ ای نے اس بات کو سراہا کہ ایران اور امریکہ کے درمیان مفاہمتی یادداشت طے پانے کے عمل میں پاکستان نے اہم کردار ادا کیا۔ انہوں نے کہا کہ چین پاکستان کی ثالثی کی کوششوں کی مکمل حمایت جاری رکھے گا اور تمام متعلقہ فریقوں کو دوبارہ مذاکرات کی میز پر لانے اور خطے میں دیرپا جنگ بندی کے حصول کے لیے مشترکہ کوششیں کرتا رہے گا۔اسحاق ڈار نے کہا کہ پاکستان اور چین کے درمیان رابطوں اور قریبی مشاورت کا سلسلہ جاری رکھنا انتہائی ضروری ہے۔ انہوں نے کہا کہ مشرقِ وسطیٰ اور خلیجی خطے کی موجودہ کشیدہ صورتحال کسی بھی فریق کے مفاد میں نہیں، اور پاکستان امن کے قیام کے لیے اپنی ثالثی کی کوششیں جاری رکھے گا۔ انہوں نے پاکستان کی ان کوششوں میں چین کی مسلسل حمایت اور تعاون پر بھی شکریہ ادا کیا۔