چینی وزیر خا رجہ گلوبل ڈویلپمنٹ انیشی ایٹو کی پانچویں سالگرہ کی اعلیٰ سطح کانفرنس میں شرکت کریں گے

بیجنگ :چینی وزارتِ خارجہ کے ترجمان نے اعلان کیا ہے کہ گلوبل ڈویلپمنٹ انیشی ایٹو کے آغاز کی پانچویں سالگرہ کے موقع پر اعلیٰ سطح کانفرنس 28 جولائی کو بیجنگ میں منعقد ہوگی۔ سی پی سی کی مرکزی کمیٹی کے سیاسی بیورو کے رکن اور چینی وزیرِ خارجہ وانگ ای اس کانفرنس میں شرکت کریں گے اور خطاب کریں گے۔کانفرنس کا موضوع "گلوبل ڈویلپمنٹ انیشی ایٹو کی پانچویں سالگرہ، پائیدار ترقی کے روشن مستقبل کی جانب ایک نئی پیش رفت” ہے۔کانفرنس میں اقوامِ متحدہ کے اعلیٰ حکام، "گلوبل ڈویلپمنٹ انیشی ایٹو فرینڈز گروپ” کے رکن ممالک کے چین میں تعینات سفارتکار، چین میں اقوامِ متحدہ کے ترقیاتی نظام کے اداروں کے نمائندے، ممتاز ماہرین اور دانشوروں سمیت چین اور دیگر ممالک سے تعلق رکھنے والی اہم شخصیات شرکت کریں گی۔شرکاء کانفرنس کے دوران گلوبل ڈویلپمنٹ انیشی ایٹو پر عمل درآمد کی پیش رفت، مستقبل میں تعاون کے اہم شعبوں اور عالمی ترقی میں اس اقدام کی خدمات پر تفصیلی تبادلۂ خیال کریں گے۔