چین افریقی ممالک کو اپنی استطاعت کے مطابق انسدادِ وبا میں تعاون فراہم کرتا رہے گا،چینی وزارت خارجہ

بیجنگ :جمہوریہ کانگو  بھیجے گئے چین کے تیسرے طبی ماہرین کے وفد سے متعلق ایک سوال کے جواب میں چین کی وزارتِ خارجہ کے ترجمان لن جیئن نے   کہا کہ  ایبولا کی وبا بدستور پھیل رہی ہے اور چین افریقی ممالک کو اپنی استطاعت کے مطابق انسدادِ وبا میں تعاون فراہم کرتا رہے گا۔ترجمان نے کہا کہ افریقہ میں ایبولا کی نئی وبا پھوٹنے کے بعد چین نے اس معاملے کو بہت اہمیت دی اور مسلسل طبی ماہرین کے وفود  جمہوریہ کانگو  سمیت دیگر ممالک بھیجے تاکہ وبا کے خلاف اقدامات میں مدد فراہم کی جا سکے، جسے مختلف حلقوں نے سراہا ہے۔انہوں نے کہا کہ ماہرین کا تیسرا وفد وبا کی روک تھام کی عملی ضروریات کے مطابق جمہوریہ کانگو  اور بین الاقوامی تنظیموں کے ساتھ تبادلۂ خیال اور تعاون کو مزید گہرا کرے گا۔