بیجنگ :چینی صدر شی جن پھنگ کی دعوت پر اردن کے شاہ عبداللہ دوم 18 سے 24 اگست تک چین کا سرکاری دورہ کریں گے۔چینی وزارتِ خارجہ کے ترجمان لن جیئن نے بتایا کہ تخت سنبھالنے کے بعد شاہ عبداللہ دوم کا یہ نواں دورۂ چین ہوگا۔دورے کے دوران چین کے صدر مملکت شی جن پھنگ اور شاہ عبداللہ دوم کے درمیان ملاقات ہو گی، دونوں رہنما دوطرفہ تعلقات سمیت باہمی دلچسپی کے بین الاقوامی اور علاقائی امور پر تبادلۂ خیال کریں گے۔چین کے وزیرِاعظم لی چھیانگ اور قومی عوامی کانگریس کی قائمہ کمیٹی کے چیئرمین چاؤ لہ جی بھی الگ الگ شاہ عبداللہ دوم سے ملاقات کریں گے۔شاہ عبداللہ دوم دورۂ چین کے دوران شنگھائی اور شین زین بھی جائیں گے۔ترجمان نے کہا کہ چین اس دورے کو ایک موقع کے طور پر لیتے ہوئے اردن کے ساتھ مل کر چین۔اردن تزویراتی شراکت داری کو نئی بلندیوں تک پہنچانے اور خطے میں امن، استحکام اور ترقی کے لیے مثبت کردار ادا کرنے کا خواہاں ہے۔
