بیجنگ : چین کے صدر شی جن پھنگ نے انڈونیشیا میں آنے والے شدید زلزلے کے حوالے سے انڈونیشیا کے صدر پرابوو سوبیانتو کو تعزیتی پیغام بھیجا۔شی جن پھنگ نے اپنے پیغام میں کہا کہ انہیں یہ جان کر شدید صدمہ پہنچا ہے کہ انڈونیشیا میں شدید زلزلہ آیا ہے، جس کے نتیجے میں جانی اور مالی نقصان ہوا ہے۔ انہوں نے کہا کہ چینی حکومت اور عوام کی جانب سے وہ زلزلے میں جاں بحق ہونے والے افراد کے حوالے سے گہری تعزیت اور متاثرین کے اہلِ خانہ اور زخمیوں سے دلی ہمدردی کا اظہار کرتے ہیں۔شی جن پھنگ نے اس یقین کا اظہار کیا کہ صدر پرابوو اور انڈونیشیا کی حکومت کی قیادت میں انڈونیشی عوام اس قدرتی آفت پر قابو پانے اور جلد از جلد اپنے گھروں اور معمول کی زندگی کو دوبارہ بحال کرنے میں کامیاب ہوں گے۔
