بیجنگ :حال ہی میں، چین اور یورپی یونین کا تجارتی و سرمایہ کاری مشاورتی میکانزم کا دوسرا باقاعدہ اجلاس منعقد ہوا جس کے نتائج پر فریقین کے درمیان اتفاق رائے حاصل ہوا ۔ دونوں فریقوں نے یہ اعادہ کیا کہ اہم تجارتی شراکت داروں کے طور پر، وہ ڈبلیو ٹی او کے ضوابط کے فریم ورک میں رہ کر اپنے اختلافات کو مناسب طریقے سے حل سنبھالیں گے۔ چائنا میڈیا گروپ کے تحت سی جی ٹی این کی جانب سے دنیا بھر کے نیٹیزینز سے کیے گئے ایک سروے کے مطابق 82.8 فیصد جواب دہندگان کا خیال ہے کہ تحفظ پسندی یورپی ممالک کو درپیش صنعتی ساختی ایڈجسٹمنٹ کے مسائل کو حل نہیں کر سکتی۔ سروے کے مطابق 82.6 فیصد جواب دہندگان کو تشویش ہے کہ تجارتی تحفظ پسندی یورپی کمپنیوں کی بین الاقوامی مسابقت کو کمزور کر دے گی اور 85.9 فیصد جواب دہندگان نے کہا کہ دوسرے ممالک پر محصولات عائد کرنے سے یورپی معیشتوں اور دیگر معیشتوں کے درمیان تجارتی تنازعات بڑھیں گے۔ یکطرفہ پسندی اور تحفظ پسندی کے پیش نظر چین اور یورپ کو کھلی عالمی معیشت کے حامی اور اس پر عمل درآمد کرنے والے ممالک ہونے پر زیادہ پرعزم ہونا چاہیے۔ 87.2 فیصد جواب دہندگان کا ماننا ہے کہ یورپ کو گہری داخلی اصلاحات اور پالیسی ایڈجسٹمنٹ کے ذریعے اپنی مسابقت کو بڑھانا چاہیے، اور موجودہ دوطرفہ تجارتی اور اقتصادی مسائل، خاص طور پر تجارتی عدم توازن کو چین اور یورپی یونین کے درمیان قریب تر اقتصادی و تجارتی باہمی انحصار کے تناظر میں حل کرنا چاہیے۔
