بیجنگ :چین کے شہر گوانگ چو میں ایک سو چالیسویں کینٹن فیئر کا آغاز ہو ا ۔ اس سال کینٹن فیئر کی سترویں سالگرہ منائی جا رہی ہے۔ چائنا میڈیا گروپ کے تحت سی جی ٹی این کی جانب سے دنیا بھر کے نیٹیزینز کے درمیان کرائے گئے ایک سروے کے مطابق 85.1 فیصد جواب دہندگان کا خیال ہے کہ کینٹن فیئر کے مسلسل انعقاد سے چین اعلیٰ معیار کے کھلے پن کو فروغ دینے کے اپنے عزم کو ظاہر کرتا ہے اور عالمی ترقی و خوشحالی میں نئی توانائی فراہم کرتا ہے۔ سروے میں شامل 84.1 فیصد جواب دہندگان کا ماننا ہے کہ کینٹن فیئر روایتی تجارتی پلیٹ فارم سے ایک ذہین نمائشی سروس پلیٹ فارم میں تبدیل ہو رہا ہے۔ 85.6 فیصد جواب دہندگان کا کہنا ہے کہ ” چینی تخلیقات” عالمی ڈیجیٹل معیشت اوراسمارٹ اکانومی کی ترقی کے لیے ایک اہم معاون بن رہی ہیں ۔ اس سال کے کینٹن فیئر میں پہلی بار خریداروں کی ایک لیگ بھی قائم کی گئی ، جس نے اپنے اراکین کے درمیان معلومات کے تبادلے اور وسائل کی ہم آہنگی کو فروغ دیا۔ 88.8 فیصد جواب دہندگان سمجھتے ہیں کہ کینٹن فیئر میں خدمات اور مصنوعات کی مسلسل اپ گریڈنگ کے باعث عالمی سپلائی چین گورننس میں چین کے اثرورسوخ میں اضافہ ہوا ہے۔ 87.2 فیصد جواب دہندگان نے کہا کہ کینٹن فیئر عالمی برادری کو چین کی انتہائی بڑی مارکیٹ کے فوائد کا اشتراک کرنے کا ایک اہم موقع فراہم کرتا ہے۔ یہ سروے سی جی ٹی این کے انگریزی، ہسپانوی، فرانسیسی، عربی اور روسی پلیٹ فارمز پر جاری کیا گیا اور 24 گھنٹوں کے دوران 4,498 بیرون ملک مقیم نیٹیزنز نے اس سروے میں اپنی رائے کے اظہار سے حصہ لیا ۔
