بیجنگ : چین کے جنوب مغرب میں واقع شہر چھونگ چھنگ کی پھنگ شوئی کاؤنٹی میں پہاڑی تودہ گرنے کا واقعہ پیش آیا، جس کے نتیجے میں متعدد افراد ملبے تلے دب کر لاپتہ ہو گئے۔قدرتی آفات کے انسداد، امداد اور تعمیرنو کی قومی کمیٹی نے قومی سطح پر چوتھے درجے کا ہنگامی امدادی ردعمل نافذ کر دیا۔صدر شی جن پھنگ کی جانب سے اس واقعے پر دی گئی اہم ہدایات پر عمل درآمد کرتے ہوئے، "قومی قدرتی آفات کے ہنگامی امدادی انتظامی منصوبے” کے مطابق، چین کے قومی کمیشن برائے ترقی و اصلاحات نے متاثرہ علاقوں میں بنیادی ڈھانچے اور عوامی خدمات کے مراکز کی ہنگامی بحالی کے لیے مرکزی بجٹ کے تحت 30 ملین یوآن کے فنڈز مختص کیے ہیں۔
