بیجنگ :چین کے صدر شی جن پھنگ نے ساؤ ٹومے و پرنسیپے کے صدر کارلوس ویلے نووا کو دوبارہ صدر منتخب ہونے پر مبارک باد دی۔بدھ کے روز انہوں نے اپنے پیغام میں کہا کہ حالیہ برسوں کے دوران چین اور ساؤ ٹومے و پرنسیپے کے تعلقات نے مثبت رفتار سے ترقی کی ہے۔ دونوں ممالک کے درمیان سیاسی باہمی اعتماد مسلسل مضبوط ہوا ہے اور ایک دوسرے کے بنیادی مفادات اور اہم خدشات سے متعلق امور پر دونوں نے ہمیشہ ایک دوسرے کی بھرپور حمایت کی ہے، جبکہ مختلف شعبوں میں عملی تعاون کے نمایاں نتائج بھی سامنے آئے ہیں۔شی جن پھنگ نے کہا کہ وہ چین اور ساؤ ٹومے و پرنسیپے کے تعلقات کی ترقی کو بے حد اہمیت دیتے ہیں اور صدر کارلوس نووا کے ساتھ مل کر کام کرنے کے خواہاں ہیں تاکہ چین۔افریقہ تعاون فورم کے بیجنگ سربراہی اجلاس کے نتائج پر عمل درآمد کو ایک نئے موقع کے طور پر بروئے کار لاتے ہوئے دونوں ممالک کے درمیان اسٹریٹجک شراکت داری کو مزید مستحکم کیا جا سکے اور دونوں ملکوں کے عوام کو اس تعاون کے ثمرات سے مزید مستفید کیا جا سکے۔
