چین کی سروس ٹریڈ کا مجموعی حجم 3,779.75 بلین یوآن تک پہنچ گیا

بیجنگ :چین کی وزارتِ تجارت کی جانب سے جاری کردہ اعداد و شمار کے مطابق، رواں سال جنوری سے جون تک چین کی سروس ٹریڈ کا مجموعی حجم 3,779.75 بلین یوآن تک پہنچ گیا، جو گزشتہ سال کے اسی عرصے کے مقابلے میں 8.3 فیصد زیادہ ہے۔ اس دوران خدمات کی برآمدات میں 17.6 فیصد جبکہ درآمدات میں 2.9 فیصد اضافہ ریکارڈ کیا گیا۔اعداد و شمار کے مطابق، سروس ٹریڈ کا خسارہ 770.35  بلین یوآن رہا، جو گزشتہ سال کی اسی مدت کے مقابلے میں 161.42  بلین یوآن کم ہے۔ جنوری سے جون کے دوران علم پر مبنی خدمات کی برآمدات 805.67  بلین یوآن تک پہنچ گئیں، جو سال بہ سال 12.8 فیصد  کا اضافہ ہے، جبکہ یہ سروس ٹریڈ  کی مجموعی برآمدات کا 53.5 فیصد  ہے۔ اسی عرصے میں ان خدمات کی درآمدات 857.73 ارب یوآن رہیں، جو گزشتہ سال کی اسی مدت کے مقابلے میں 1.4 فیصد زیادہ ہیں۔ دوسری جانب سفری خدمات کی برآمدات  اور ٹرانسپورٹیشن سروس کی درآمدات میں نمایاں اضافہ   ہوا۔ جنوری سے جون کے دوران سفری خدمات کی برآمدات 229.2 ارب یوآن تک پہنچ گئیں، جو سال بہ سال 31.1 فیصد زیادہ ہیں، جبکہ  ٹرانسپورٹیشن سروس کی خدمات کی درآمدات 498.1 ارب یوآن رہیں، جن میں 30.4 فیصد اضافہ ریکارڈ کیا گیا۔