چین، ایشیا پیسیفک میڈیا ہائی لیول فورم کا شین زین میں انعقاد

بیجنگ:ایشیا پیسیفک میڈیا ہائی لیول فورم چین کے صوبہ گوانگ دونگ کے شہر شین زین میں شروع ہوا۔ کمیونسٹ پارٹی آف چائنا کی مرکزی کمیٹی کے سیاسی بیورو کے رکن اور مرکزی کمیٹی کے محکمہ تشہیر کے سربراہ لی شو لے نے افتتاحی تقریب میں شرکت کی اور کلیدی خطاب کیا۔ سی پی سی مرکزی کمیٹی کے سیاسی بیورو کے رکن اور گوانگ دونگ صوبائی کمیٹی کے سیکریٹری ہوانگ کھون منگ نے بھی تقریب میں شرکت کی اور خطاب کیا۔شرکاء نے کہا کہ صدر شی جن پھنگ کی جانب سے ایشیا پیسیفک کمیونٹی کی تعمیر کے اہم تصور نے کھلی معیشت پر مبنی ایشیا پیسیفک کی مشترکہ تعمیر اور خطے کی مشترکہ خوشحالی کو فروغ دینے میں اہم رہنمائی فراہم کی ہے۔ رواں سال ایشیا پیسیفک اقتصادی تعاون تنظیم (اپیک) کا "چین سال” ہے اور چین 33ویں اپیک اکنامک لیڈرز میٹنگ کی میزبانی کرے گا۔ امید ہے کہ تمام فریقوں کی حمایت سے اجلاس میں اہم نتائج حاصل ہوں گے اور ایشیا پیسیفک تعاون ایک نئی سطح تک پہنچے گا۔شرکاء نے کہا کہ ایشیا پیسیفک خطے میں ترقی اور تعاون میڈیا کی فعال شرکت کے بغیر ممکن نہیں۔ ایشیا پیسیفک میں کھلے پن، روابط اور باہمی تعاون کی کامیاب کہانیاں بہتر انداز میں دنیا تک پہنچانے، مختلف شعبوں میں علاقائی تعاون کی پیش رفت اور حاصل کردہ نتائج کی جامع کوریج اور ایشیا پیسیفک میں کھلی ترقی کے لیے سازگار رائے عامہ کا ماحول تشکیل دینے کی ضرورت ہے۔