بیجنگ :چائنا انٹرنیشنل فیئر فار ٹریڈ اِن سروسز 2026 تیرہ تاریخ کو اختتام پذیر ہوا۔ رواں سال کے فیئر میں عملی تعاون کے نمایاں نتائج حاصل ہوئے اور اس کا عالمی سطح پر اثر ورسوخ بھی مسلسل بڑھا ہے۔اس سال فیئر کے دوران 200 فورمز، اجلاسوں اور پروموشن ایونٹس کا انعقاد کیا گیا، جبکہ 1830 سے زائد کمپنیوں نے آف لائن شرکت کی۔ 103 کمپنیوں اور اداروں نے 233 نئی مصنوعات اور نتائج پیش کیے، جن میں 119 نئی مصنوعات کی پہلی رونمائی شامل تھی۔ نمائش میں ڈیجیٹل و ذہین پیداوار، سیل تھراپی اور ٹیکنالوجی فنانس سمیت جدید شعبوں کو نمایاں کیا گیا۔ فیئر میں 1 لاکھ 16 ہزار سے زائد پیشہ ور افراد نے رجسٹریشن کرائی، جو گزشتہ سال کے مقابلے میں 3.7 فیصد زیادہ ہے۔عملی تعاون اس سال کے فیئر کی نمایاں خصوصیت رہا۔ مجموعی طور پر 134 مذاکرات و پروموشن سرگرمیاں منعقد ہوئیں، جن کی تعداد گزشتہ سال کے مقابلے میں تقریباً 80 فیصد بڑھی ہے۔ مہمان ملک ناروے کے وفد نے چینی کمپنیوں اور اداروں کے ساتھ 6 تعاون کے معاہدوں پر دستخط کیے، جبکہ "انویسٹ بیجنگ” کے موضوع پر منعقدہ پروموشن ایونٹ میں 36 اہم منصوبوں پر موقع پر معاہدے کیے گئے۔ مجموعی طور پر فیئر میں 7 اقسام کے 1200 سے زائد نتائج حاصل ہوئے۔کھلے پن کے مسلسل وسیع ہوتے مواقع نے بین الاقوامی شراکت داروں کے چینی مارکیٹ پر اعتماد میں مزید اضافہ کیا ہے۔
