بیجنگ :بین الاقوامی صورتحال میں مسلسل تبدیلیوں اور بڑھتی ہوئی بے یقینی کے تناظر میں سلامتی کے حوالے سے تشویش میں اضافہ ہو رہا ہے۔ چائنا میڈیا گروپ کے تحت سی جی ٹی این کی جانب سے جاری عالمی سروے میں 89.6 فیصد جواب دہندگان نے بین الاقوامی تنازعات کو مذاکرات اور مشاورت کے ذریعے حل کرنے کی اپیل کی ہے۔شرکاء کے نزدیک مسلسل 20 برس سے منعقد ہونے والا بیجنگ شیانگ شان فورم عوامی توقعات کا ایک مثبت جواب ہے۔سروے کے مطابق 80.8 فیصد جواب دہندگان نے بالادستی، طاقت کی سیاست اور دوسرے ممالک پر من مانی پابندیاں عائد کرنے کے طریقوں کی مخالفت کی۔ 74.5 فیصد جواب دہندگان کا خیال ہے کہ ممالک کو اپنے اقدار اور نظام دوسروں پر مسلط نہیں کرنے چاہئیں اور نظریاتی محاذ آرائی سے گریز کرنا چاہیے۔گلوبل ساؤتھ سے تعلق رکھنے والے ممالک کے 80.4 فیصد جواب دہندگان نے نشاندہی کی کہ سرد جنگ کی سوچ اور طاقت کی سیاست عالمی امن کے لیے خطرہ اور سلامتی کے چیلنجز میں اضافے کا باعث بن سکتی ہے۔ انہوں نے تمام ممالک پر زور دیا کہ وہ مل کر متوازن، مؤثر اور پائیدار سلامتی کے ڈھانچے کی تشکیل کریں۔
