بیجنگ :عوامی جمہوریہ چین کے قیام کی 77ویں سالگرہ کے موقع پر استقبالیہ سے کمیونسٹ پارٹی آف چائنا کی مرکزی کمیٹی کے جنرل سیکریٹری شی جن پھنگ کے اہم خطاب پر پرجوش رد عمل سامنے آیا ہے۔ شی جن پھنگ نے اپنے خطاب میں زور دیا کہ اگر ہم پختہ اعتماد کے ساتھ اپنے اہداف پر توجہ مرکوز رکھتے ہوئے قدم بہ قدم مضبوطی سے آگے بڑھتے رہیں تو کامیابی عظیم کمیونسٹ پارٹی آف چائنا، عظیم چینی عوام اور عظیم عوامی جمہوریہ چین ہی کی ہوگی۔ شی جن پھنگ کے اہم خطاب نے عوام میں نئی تحریک پیدا کی ہے، جبکہ مختلف شعبوں سے تعلق رکھنے والے افراد کا کہنا ہے کہ انہیں متحد ہو کر مسلسل جدوجہد جاری رکھنی چاہیے تاکہ ایک مضبوط ملک کی تعمیر اور قومی نشاۃ ثانیہ کے عظیم خاکے کو ایک خوبصورت حقیقت میں تبدیل کیا جا سکے۔سنکیانگ کے شہر کوچھہ کی رہائشی پاری زاتی قربان نے کہا کہ صدر شی جن پھنگ نے عوام کی روزمرہ زندگی کے تحفظ اور اسے بہتر بنانے پر زور دیا، جو واقعی عوام کے دل کی آواز ہے۔ پارٹی کی عوامی فلاح و بہبود پر مبنی پالیسیوں کی رہنمائی میں ان کے آبائی علاقے کی شکل یکسر بدل گئی ہے اور گھر کے قریب روزگار کے مواقع بھی مسلسل بڑھ رہے ہیں۔ان کا کہنا تھا کہ ہمیں انار کے دانوں کی طرح مضبوطی سے متحد رہنا چاہیے، پارٹی کی بات سننی اور اس کے راستے پر چلنا چاہیے اور اپنے ہاتھوں سے مزید خوشحال اور خوبصورت زندگی تخلیق کرنی چاہیے۔ہانگ کانگ خصوصی انتظامی علاقے کی حکومت کی نائب سیکریٹری برائے انوویشن، ٹیکنالوجی اور صنعت ژانگ مان لی نے کہا کہ صدر شی جن پھنگ کے اہم خطاب نے حوصلہ بخش قوت فراہم کی ہے۔ ہانگ کانگ کے تمام حلقے "ایک ملک، دو نظام” کے فوائد سے بھرپور استفادہ کرتے ہوئے اندرون ملک اور بیرونی دنیا کے درمیان پل کے کردار کو مزید مؤثر بنائیں گے، پانچ سالہ منصوبے پر جامع عمل درآمد کریں گے اور قومی ترقی کے وسیع تر عمل میں فعال طور پر شامل ہو کر اپنا کردار ادا کریں گے۔
