بیجنگ :چین کی ریاستی کونسل کے انفارمیشن آفس کے زیرِ اہتمام غیر ملکی میڈیا کی نظر میں” کے عنوان سے سلسلہ وار انٹرویوز حال ہی میں اختتام پذیر ہوئے۔ اس سلسلے میں متعدد ممالک کے صحافیوں نے بیجنگ ، شنگھائی اور اندرونی منگولیا سمیت سات صوبوں ، خود اختیار علاقوں اور شہروں کا دورہ کیا ، جہاں انہوں نے چین کے پندرہویں پانچ سالہ منصوبے کے پہلے سال میں مختلف علاقوں میں اعلیٰ معیار کی ترقی کا مظاہرہ کیا۔دوروں کے دوران صحافیوں کو چین میں اعلیٰ معیار کے کھلے پن کو مزید وسعت دینے کے اقدامات سے آگاہ کیا گیا۔ صوبہ گوانگ ڈونگ میں انہوں نے گوانگ ڈونگ-ہانگ کانگ-مکاؤ گریٹر بے ایریا کی تعمیر، کھلے پن اور تعاون کے فروغ سے پیدا ہونے والے نئے مواقع کا جائزہ لیا، جبکہ صوبہ آن حوئی میں نئی معیار کی پیداواری قوتوں کی تیز رفتار ترقی اور اختراعی سرگرمیوں کا مشاہدہ کیا گیا۔ بیجنگ اور صوبہ زے جیانگ میں غیر ملکی صحافیوں نے ہیومنائڈ روبوٹس کی کارکردگی بھی دیکھی۔ اس کے علاوہ انہوں نے صوبہ حےلونگ جیانگ اور اندرونی منگولیا خود اختیار علاقے کا بھی دورہ کیا، جہاں انہوں نے زرعی پیداوار میں اضافے، زراعت اور دیہی علاقوں کی جدید کاری اور سبز ترقی کے اقدامات کے بارے میں معلومات حاصل کیں۔اس سلسلہ وار پروگرام میں امریکہ، روس، برطانیہ اور سنگاپور سمیت 18 ممالک کے صحافیوں نے شرکت کی۔
