بیجنگ :چین کے صدر شی جن پھنگ سے بیجنگ کے عظیم عوامی ہال میں ٹوگو کی کونسل آف منسٹرز کے صدر فاوزے گنا سنگبے نے ملاقات کی، جو چین کے سرکاری دورے پر ہیں ۔ ملاقات کے دوران دونوں رہنماؤں نے دوطرفہ تعلقات کو نئے دور میں چین ٹوگو ہم نصییب معاشرے کی سطح تک بڑھانے کا اعلان کیا۔شی جن پھنگ نے کہا کہ چین اور ٹوگو کے درمیان دوستانہ تعاون کے وسیع امکانات موجود ہیں۔ انہوں نے ٹوگو پر زور دیا کہ وہ چین کی جانب سے صفر ٹیرف اور چینی مارکیٹ میں مصنوعات کی درآمد کے لیے فراہم کردہ خصوصی سہولتوں سے بھرپور فائدہ اٹھائے، تاکہ ٹوگو اور خطے کی مزید منفرد مصنوعات چینی مارکیٹ منڈی تک پہنچ سکیں۔ انہوں نے کہا کہ چین ٹوگو کے صنعتی ترقی کے عمل میں معاونت کے لیے تیار ہے۔شی جن پھنگ نے افریقہ کے حساس اور تنازعات سے متاثرہ علاقوں کے مسائل کے حل میں مختلف فریقوں کی تعمیری شرکت کے حوالے سے چار اصول بھی پیش کیے۔ اول، علاقائی امور میں افریقی ممالک کو مرکزی کردار ادا کرنا چاہیے۔ دوم، تمام متعلقہ فریقوں کو متاثرہ ممالک کی خودمختاری اور علاقائی سالمیت کا احترام کرنا چاہیے۔ سوم، جنگ اور یکطرفہ پابندیاں ممالک کے درمیان اختلافات کا حقیقی حل نہیں ہیں۔ چہارم، موجودہ سلامتی کے مسائل کے حل کے ساتھ طویل مدتی ترقی کی منصوبہ بندی بھی ضروری ہے۔فاوزے گنا سنگبے نے کہا کہ ان کا ملک چین کے ساتھ قریبی، پائیدار اور باہمی مفاد پر مبنی تعاون کو فروغ دینے اور نئے دور میں چین ٹوگو ہم نصیب معاشرے کی تعمیر کے لیے تیار ہے۔ انہوں نے چینی کمپنیوں کی ٹوگو میں سرمایہ کاری اور ان کے کاروبار کرنے کا خیرمقدم بھی کیا۔انہوں نے کہا کہ افریقہ کے تنازعات کے حل سے متعلق صدر شی جن پھنگ کے پیش کردہ اصولوں سے مکمل اتفاق کرتے ہوئے کہا کہ ٹوگو چین کے ساتھ مل کر کثیرالجہتی نظام کے دفاع اور ترقی پذیر ممالک کے مفادات کے تحفظ کے لیے کام کرنے کا خواہاں ہے۔
