چین، سنکیانگ ایک خوبصورت جگہ ہے” 2026 کے عنوان سے سنکیانگ امدادی موضوعی نمائش کا افتتاح

بیجنگ : "سنکیانگ ایک خوبصورت جگہ ہے” 2026ءکے عنوان سے ثقافتی ورثے کے ذریعے سنکیانگ امدادی موضوعی نمائش کا افتتاح سنکیانگ پروڈکشن اینڈ کنسٹرکشن کورپس کے شہر شی حہ زے میں ہوا۔ اس پروگرام کا موضوع "ثقافت کے ذریعےسنکیانگ کی آبیاری، غیر مادی ثقافتی ورثے سے رنگ آمیزی” تھا، جس میں ملک بھر کے 31 صوبوں، خود اختیار علاقوں، مرکزی حکومت کے زیر انتظام شہروں اور سنکیانگ پروڈکشن اینڈ کنسٹرکشن کورپس سے 651 غیر مادی ثقافتی ورثے کے منصوبے اور 549 ورثوں کے نمائندے شریک ہوئے۔ پروگرام میں مشترکہ نمائش، مشترکہ تخلیق، اشتراک، باہمی تبادلۂ خیال اور ثقافتی انضمام کو نمایاں کیا گیا۔ مختلف صوبوں، شہروں اور سنکیانگ پروڈکشن اینڈ کنسٹرکشن کورپس نے مشترکہ نمائشیں پیش کیں، غیر مادی ثقافتی ورثے کے نمائندوں نے مل کر اپنی بہترین روایتی تخلیقات کا مظاہرہ کیا، جبکہ غیر مادی ثقافتی ورثے سے وابستہ ورکشاپس نے باہمی اشتراک کے ذریعے تجربات اور مہارتوں کا تبادلہ کیا، تاکہ ملک کے مختلف حصوں کے درمیان دوستی اور ثقافتی ہم آہنگی کو فروغ دیا جا سکے۔یہ پروگرام چین کی وزارتِ ثقافت و سیاحت، سنکیانگ ویغور خود اختیار علاقے کی عوامی حکومت اور سنکیانگ پروڈکشن اینڈ کنسٹرکشن کورپس کے اشتراک سے منعقد کیا گیا، جو 3 اگست تک جاری رہے گا۔