بیجنگ:چینی وزارت خارجہ کے ترجمان لین جیئن نے یومیہ پریس کانفرنس میں کہا کہ چین ان غیر قانونی یکطرفہ پابندیوں کی سختی سے مخالفت کرتا ہے جن کی بین الاقوامی قانون میں کوئی بنیاد نہیں اور جنہیں اقوام متحدہ کی سلامتی کونسل کی جانب سے اختیار نہیں دیا گیا۔لین جیئن نے یہ بات امریکی وزیر خزانہ کی جانب سے ایران پر اقتصادی پابندیوں کے نئے دور کے اعلان کے جواب میں کہی۔ انہوں نے اس بات پر زور دیا کہ چین اور ایران کے درمیان معمول کا تعاون ہمیشہ بین الاقوامی قانون کے دائرہ کار میں رہا ہے اور کسی بھی فریق کو اس میں مداخلت یا خلل نہیں ڈالنا چاہیے۔ ترجمان نے کہا کہ چین متعلقہ صورتحال کا باریک بینی سے مشاہدہ کررہا ہے اور اپنے جائز حقوق و مفادات کے تحفظ کے لیے تمام ضروری اقدامات کرے گا۔
