بیجنگ : کمیونسٹ پارٹی آف چائنا کی مرکزی کمیٹی کے جنرل سیکرٹری، صدرِ مملکت اور مرکزی فوجی کمیشن کے چیئرمین شی جن پھنگ نے 16 اکتوبر کو چین کے اندرونی منگولیا خوداختیار علاقے کے شہر اولانقاب کا دورہ کیا۔اس موقع پر شی جن پھنگ نے ہوانگ چی ہائی نیچر ریزرو کا دورہ بھی کیا، جہاں انہیں اندرونی منگولیا میں ماحولیاتی تحفظ کو مضبوط بنانے، ہوانگ چی ہائی کی جامع ماحولیاتی بہتری اور ماحولیاتی نظام کی بحالی کے لیے جاری اقدامات کے بارے میں بریفنگ دی گئی۔ انہوں نے آبی کناروں اور دلدلی علاقوں کے ماحول اور وہاں رہنے والے پرندوں کی مختلف اقسام کا بھی مشاہدہ کیا۔
