بیجنگ :چائنا کوسٹ گارڈ کے ترجمان جیانگ لوئے نے کہا ہے کہ فلپائن نے اپنے وعدے کے بر خلاف اور چین کی مخالفت کو نظر انداز کرتے ہوئے رن آئی ریف پر غیر قانونی طور پر موجود جہازکے لیے سپلائی فراہم کرنے کی کوشش کی۔ چائنا کوسٹ گارڈ نے قانون کے مطابق فلپائنی سپلائی جہاز کے خلاف سائٹ پر نگرانی اور زبانی انتباہ جیسے اقدامات اٹھائے۔ فلپائن نے چین میں جاری تہوار کی تعطیلات کے دوران اشتعال انگیز کارروائیاں کیں اورواقعے کو بڑھا چڑھا کر پیش کیا، جس سے بحیرہ جنوبی چین میں فریقین کے طرز عمل کے اعلامیے کی سنگین خلاف ورزی ہوئی اور بحیرہ جنوبی چین میں امن و استحکام کو شدید نقصان پہنچا ہے ۔ترجمان نے کہا کہ چین فلپائن کو سختی سے متنبہ کرتا ہے کہ وہ فوری طور پر اشتعال انگیزی بند کرے۔انہوں نے کہا کہ چائنا کوسٹ گارڈ قانون کے مطابق نان شا جزائر بشمول رن آئی ریف اور اس سے ملحقہ پانیوں میں قانون کے نفاذ کی سرگرمیاں انجام دے گا اور قومی و علاقائی خودمختاری اور سمندری حقوق و مفادات کا بھرپور تحفظ کرے گا۔
